Ayurveda
Ayurveda, vísindi lífsins, er náttúrulegt heilunarkerfi Indlands en læknisfræði hennar nær langt aftur til fornu Indlands. Það voru sömu hugljómuðu meistarar sem upphaflega sköpuðu kerfi yoga og hugleiðslu sem þróuðu vísindi Ayurvedísks vísdóms.
Ayurveda var í upphafi hluti af vedískum vísindum, heildrænt spiritúal kerfi sem veitti allsherjar skilning á efnisheiminum, hugarheiminum og vitundunni. Vedísk vísindi fjalla um alla þætti andlegs og veraldlegs lífs; yoga, hugleiðslu, möntrur, stjörnuspeki og Ayurveda sem er sérstök grein vedísku vísindanna sem fjalla um heilun á bæði huga og líkama. Ayurveda er skipt í marga þætti og sérfræði þess ná yfir jurtalækningar, næringarfræði, skurðaðgerðir, sálfræði/geðlækningar og spiritúalisma.
Ayurveda, hin forna og elsta heilsufræði heimsins, veitir okkur einlæglega nátturulega nálgun til lífs okkar í nútímanum. Hún er einnig vísindalega stadfest og heildræn í bæði í kenningum sínum og notkun. Ólíkt mörgum öðrum hefðbundnum heilsufræðum, getur Ayurveda veitt raunverulegan skilning á því af hverju við búum yfir heilsuleysi og hinum ýmsu einkennum þess, og hvernig lífsstíll okkar getur snúið þessu til betri vegar. Hinn nútíma huglega örvaði einstaklingur þarf einfaldlega þennan skilning til að fyllast þeim innblæstri og krafti sem hann þarf til að geta snúið blaðinu við og skapað breytingar. Á síðustu árum hafa yfir sex hundruð rannsóknir verið gerðar og útgefnar í lækna ritum yfir heilunarmátt og virkni Ayurveda fræðanna og læknavísindin eru enn að uppgötva mikið af þeirri þekkingu sem fyrir löngu voru rituð af hinum hugljómuðu meisturum veda fræðanna. Mikið af rannsóknum voru t.a.m. gerðar af U.S.A. National institute of health og meir en 20 miljónum bandaríkjadölum varið til þessara rannsókna. Hins vegar eru hinar raunverulegu sannanir þær sem fólk upplifir með sjálfu sér þegar það tekur af skarið með jákvæðar breytingar í lífsstíl, matarræði og lifnaði.
Þetta er aðeins lítil kynning á því sem ayurveda er og hefur uppá að bjóða og hér kynni ég fyrir ykkur líkamsgerðirnar skv. ayurveda. Ef þú tekur stutta líkamsgerðarprófið hér til hliðar, færðu betri hugmynd um hvaða fæðu þú ættir að borða og hvernig þú ættir að haga matarvenjum þínu skv. því.
Skv. ayruveda er þrjár megin líkamserðir, kallaðar dósjur og nefnast vata, pitta og kapha. Öll erum við vissulega blanda af þeim öllum en yfirleitt er ein mest ríkjandi og leggur því grundvöllinn fyrir hinar tvær.
Vata dósjan er létt, þurr, köld, hreyfileg, breytileg og óregluleg og þessir einstaklingar bera með sér þessa sömu eiginleika í huga og líkama. Vata einstaklingurinn er léttur og flöktandi, grannsleginn og á erfitt með að bæta á sig þyngd. Vata týpan á jafanan erfitt með svefn og verður fljótt þreytt og stressuð ef í ójafnvægi.
Pitta dósjan er heit, kraftmikil, sterk, hvöss, rök og létt og þessir einstaklingar bera einnig þessa sömu eiginleika í huga og líkama. Pitta einstaklingurinn er ákveðinn og skarpgreindur, með sterka meltingur og mikinn metnað. Pitta týpan hefur mikið skap og á það til að verða óþolinmóð og pirruð ef hún missir út máltíðir, verður of heitt eða undir álagi.
Kaffa dósjan er köld, hæg, mjúk, þung, slímug, sæt og olíukennd og þessir einstaklingar bera með sér þessa sömu eiginleika í huga og líkama. Kaffa týpan er róleg og sáttfús, þung og hefur hæga meltingu. Hún á það til að verða of þung og í ójafnvægi verður þunglynd og háð hinum ýmsu hlutum og fólki í kringum sig.
